ທະຫານ ອິດສະຣາແອັນ ປະຈຳຢູ່ທ່າກ່ຳປັ່ນ Ashdod (ພາບ: AFP/TTXVN)

ນີ້ແມ່ນເຄື່ອງຊ່ວຍເຫຼືອຖ້ຽວທຳອິດທີ່ໄດ້ຂ້າມຂົວກ່ຳປັ່ນແຫ່ງໃໝ່, ເຊິ່ງເປັນຄວາມມານະພະຍາຍາມຈາກຫຼາຍປະເທດ ພ້ອມກັນປະຕິບັດ ແນໃສ່ແຈກຢາຍເຄື່ອງຊ່ວຍເຫຼືອໃຫ້ແກ່ຊາວ ປາແລດສະຕິນຢູ່ ເຂດ ກາຊາ ຕື່ມອີກ ໂດຍຜ່ານແລວທະເລທີ່ມີລັກສະນະມະນຸດສະທຳ. ຕາມການຄາດຄະເນຂອງ ອາເມລິກາ, ຂົວກ່ຳປັ່ນນີ້ຈະອະນຸຍາດໃຫ້ລົດບັນທຸກ 90 ຄັນ ໄດ້ຂົນສົ່ງເຄື່ອງຊ່ວຍເຫຼືອສາກົນໄປຍັງ ເຂດກາຊາ ໃນແຕ່ລະມື້ ແລະ ອາດຈະເພີ່ມຂຶ້ນ 150 ຄັນ ຕໍ່ວັນ ເມື່ອໄດ້ນຳເຂົ້າເຄື່ອນໄຫວຢ່າງສົມບູນ.

ກໍໃນວັນທີ 17 ພຶດສະພາ, 13 ປະເທດ, ລວມມີ: ແດນມາກ, ແຟງລັງ, ຝລັ່ງ, ເຢຍລະມັນ, ອີຕາລີ, ໂຮນລັງ, ຊູແອັດ, ອັງກິດ, ການາດາ, ອົດສະຕາລີ, ນິວຊີແລນ, ຍີ່ປຸ່ນ ແລະ ສ.ເກົາຫຼີ ໄດ້ສົ່ງສານຮຽກຮ້ອງ ລັດຖະບານ ອິດສະຣາແອັນ ຢຸດຕິການບຸກໂຈມຕີທາງບົກແນໃສ່ນະຄອນ Rafah ທີ່ມີຊຸມຊົນດຳລົງຊີວິດເປັນຈຳນວນຫຼາຍຢູ່ສົ້ນໃຕ້ເຂດ ກາຊາ.